The Maratha न्यूज
नॅशनल टेस्टिंग एजन्सी न्यू दिल्ली यांच्याकडून भारत भरातील 571 शहरातील एकूण 4 750 केंद्रावर 24 लक्ष 6 हजार 79 विद्यार्थ्यांपैकी 23 लक्ष 31 हजारे 297 विद्यार्थ्यांनी परीक्षा दिली होती. या परीक्षेच्या निकालाचे अपेक्षित दिनांक 14 जून 2024 ही असताना संबंधित एजन्सीतर्फे या परीक्षेचा निकाल दिनांक चार जून 2024 रोजी जाहीर करण्यात आला. यामध्ये काही गैरप्रकार झाल्याचा संशय येत असल्याने महासंचालकांकडे धाराशिव चे खासदार ओम राजे निंबाळकर यांनी या परीक्षा पुन्हा एकदा घेण्याची मागणी केली आहे. तेलंगणा आणि आंध्र प्रदेश मधून याच संदर्भात सुप्रीम कोर्टात याचिका दाखल करण्यात आल्याची माहिती समोर आली आहे.
या परीक्षेमध्ये भारतभरात मधून 67 विद्यार्थ्यांना 720 पैकी 720 मार्क्स मिळाले आहे त. 1500 अधिक विद्यार्थ्यांना ग्रेस मार्क्स दिलेले आहेत. विद्यार्थ्यांसह पालकांना या परीक्षेमध्ये काहीतरी गैरप्रकार झाल्याचा संशय असून हरियाणातील एका केंद्रावरील प्रश्न पत्रिका उशिरा दिल्याचे कारण देऊन ग्रेस मार्क दिल्यामुळे चार विद्यार्थ्यांना 720 पैकी 720 मार्क मिळालेले आहेत.
सदर परीक्षा ही व्यावसायिक परीक्षा सिस्टिम ऑफ एलिमिनेशन वर आधारित असून बऱ्याचशा विद्यार्थ्यांना 718 व 719 असे गुण प्रदान करण्यात आल्यात यामुळे च पालक व व विद्यार्थ्यांमध्ये या परीक्षांमध्ये गैरप्रकार झाले असल्याची शंका व्यक्त करण्यात येत आहे पालकांकडून व विद्यार्थ्यांकडून सदर परीक्षा रद्द करून पुन्हा परीक्षा घेण्याबाबत विनंती करण्यात येत आहे. ही परीक्षा भारतातील सर्वात मोठी परीक्षा असण्याबरोबर वैद्यकीय व्यावसायिक शिक्षण घेणे करिता अत्यंत महत्त्वाचे समजले जाणारे परीक्षा आहे.
या परीक्षेतील दिलेल्या ग्रेस मार्क्सचा आढावा घेणे संदर्भात उच्चस्तरीय समिती या समितीमार्फत तात्काळ कार्यवाही करून विद्यार्थ्यांना न्याय देण्याबाबत नूतन खासदार ओमराजे निंबाळकर यांनी नॅशनल टेस्टिंग एजन्सीच्या संचालकांकडे मागणी केली आहे.
