झोन बंद आंदोलनाचा
इशारा ; बाळे भागातील रस्ता मुरूम व खडीकरण कामास सुरुवात..

The Maratha News

झोन बंद आंदोलनाचा पावित्रा घेताच..!
महानगरपालिकेकडून बाळे राजेश्वरी नगर भागात रस्ता मुरूम व खडीकरण कामास सुरुवात

सोलापूर: प्रभाग पाच बाळे राजेश्वरी नगर भागातील लोक मागील बऱ्याच दिवसापासून रस्ते व पाणीपुरवठा पाईपलाईन कामाची मागणी करत होते .परंतु या ठिकाणचे पाईपलाईनचे काम पूर्ण होत झाले परंतु अद्याप रस्ता न झाल्याने येथील नागरिक, शालेय विद्यार्थी, ज्येष्ठ नागरिक, यांना चिखलातून ये जा करणे व रहदारीसाठी वाट काढावी लागत होती.

येथील लोकांच्या अडचणी संदर्भात येथील नागरिकांनी मागील दोन दिवसापासून चालू असलेल्या पावसामुळे मोठ्या प्रमाणात रहदारीस अडचण होत असल्याचे सांगितले वरून माजी गटनेते आनंद चंदनशिवे व माजी नगरसेवक गणेश पुजारी यांनी आजच्या आज राजेश्वरी नगर या ठिकाणी रहदारी चालू होण्यापुरता मुरूम व खडीकरण करून रस्ता करण्याची मागणी केली .

सदर मागणीस अनुसरून या ठिकाणी संबंधित अधिकारी यांनी महापालिका मंजूर मक्तेदारास या ठिकाणी खडीकरण, जेसीबी व रोलर त्वरित पाठवून देऊन कामास सुरुवात केली.
यावेळी विभागीय अधिकारी श्री अंतुळीकर श्री कन्न मा नगरसेवक गणेश पुजारी तसेच या भागातील नागरिक उपस्थित होते.
झोन बंद आंदोलनाचा पवित्रा घेतल्याने सदर ठिकाणी कामास प्रत्यक्षात सुरुवात झालेली आहे.